पृथ्वी राजमार्ग पूर्ण रुपमा अवरुद्ध,भसिएको सडकको प्राविधिक अध्ययन गरिँदै

काठमाडौँ- कृष्णभिरमा सडक भासिएपछि पृथ्वी राजमार्ग पूर्ण रुपमा अवरुद्ध भएको छ ।

धादिङको बेनीघाट रोराङ गाउँपालिकास्थित बेनीघाट नजिक नदीले कटान गरेपछि सडक भासिएको हो।

नदीले सडक कटान गरेपछि मुख्य सडक भासिएको हो ।

सडक विभागले मुग्लिन-काठमाडौं सडकखण्डमा पर्ने कृष्णभिरमा भासिएको सडकको प्राविधिक अध्ययन सुरु गरेको छ ।

भासिएको सडक निर्माणमा केही दिन लाग्न सक्ने देखिएको छ  ।

राजमार्ग अबरुद्ध पछि सवारिका साधनहरु बाटोमा नै रोकिएका छन् ।

यसै गरि नदिमा पानिको बहाव बड्दा गल्छि गाउँपालिकाको चिरैादिमा चार वटा घरमा क्षति पुगेको छ ।

काठमाडौँ जोडने लाइफलाइन सडक मानिएको पृथ्वी राजमार्ग अवरुद्ध भएसँगै सरकारले हेटौँडाहुँदै त्रिभुवन राजपथ (बाइरोड) बाट अत्यावश्यक सामान ढुवानी गर्ने तयारी गरेको छ ।

कृष्णभीरमा सडक भासिएपछि काठमाडौंका लागि अत्यावश्यक सामग्रीको ढुवानी प्रभावित हुने भएपछि सरकारले पेट्रोलियम पदार्थ बाइरोडको बाटोबाट ल्याउने तयारी थालेको हो।