पेट्रोल, मट्टितेल र डिजेलको भाउ घट्यो
काठमाडौँ- सरकारले पेट्रोलियम पदार्थको मुल्य घटाएको छ। भोलि (शनिबार) बिहान एक बजेबाट लागु हुने गरी नेपाल आयल निगमले पेट्रोल र डिजेल, मट्टितेलको भाउ घटाएको हो।
निगमले पेट्रोलमा प्रतिलिटर तीन रूपैयाँ र डिजेल तथा मट्टितेलमा एक रूपैयाँ घटाएको छ।
भारतीय आयल कर्पोरेसन (आइओसी) ले पठाएको नयाँ मुल्य अनुसार निगमले नयाँ भाउ निर्धारण गरेको जनाएको छ ।
निगमका अनुसार आइओसीले पेट्रोलमा प्रतिलिटर ४ रूपैयाँ ४२ पैसा र डिजेलमा २ रूपैयाँ ४५ पैसा घटाएर नयाँ मूल्य सूची पठाएको छ।
खाना पकाउने ग्याँसको भाउ भने यथावत रहेको निगमले जनाएको छ।।
प्रतिक्रिया राख्नुहोस्