प्रहरीव्दारा बरामद पटाका नष्ट

रौतहट –  रौतहटको इलाका प्रहरी कार्यालय गरुडाले विभिन्न मितिमा बरामद गरेको अवैध पटाकाहरू नष्ट गरेको छ।

गरुडाको प्रहरी टोलीले गस्तीका क्रममा नियन्त्रणमा लिएका अवैध पटाकाहरू आज खाल्डोमा पुरेर नष्ट गरेको हो ।

दीपावली र छठको अवसर पारेर भारतबाट अवैध रूपमा भित्र्याइएका विस्फोटक पदार्थ  पटाकाहरू नष्ट गरिएको इलाका प्रहरी कार्यालय गरुडाका प्रहरी निरीक्षक ओम प्रकाश यादवले बताउनुभयो।

नियन्त्रणमा लिइएका पटाकाजन्य सामाग्रीहरू पत्रकार र नेपाल प्रहरीको रोहबरमा महिला तथा बालबालिका कार्यालय गरुडाको परिसरमा खाल्डो खनेर त्यसमा पुरेर नष्ट गरिएको हो ।