खैरो हिरोइनसहित ३ जना पक्राउ

संखुवासभा- सङ्खुवासभाकाे धर्मदेवी नगरपालिका-८ केवाबेशीबाट बिशेष सूचनाका आधारमा खटिएको प्रहरीले खैरो हेरोइनसहित ३ जनालाई पक्राउ गरेकाे छ ।

चैनपुर नगरपालिका-९ त्रिसुलेका सराेज खत्री, चैनपुर-७ तेर्से चौताराका दोर्ची शेर्पा र चैनपुर-६ चैनपुर बस्ने वर्ष २९ का जेनेश श्रेष्ठ पक्राउ परेकाे प्रहरीले जनाएकाे छ ।

उनीहरूकाे साथबाट ११.६४० ग्राम खैराे हिराेइन बरामद गरिएकाे संखुवासभाका प्रहरी प्रमुख  डिएसपी दक्षकुमार बस्नेतले बताउनुभयो ।

धनकुटाबाट गाडिमा चैनपुर आउने क्रममा उनीहरू शुक्रबार पक्राउ परेका हुन् ।

उनीहरूलाई लागुऔषध (नियन्त्रण) ऐन २०३३ बमोजिम इलाका प्रहरी कार्यालय चैनपुर संखुवासभाबाट थप अनुसन्धान भइरहेको जिल्ला प्रहरी कार्यालय संखुवासभाले जनाएको छ ।।