गजुरीमा दुई वटा बस ठोक्किँदा १३ जना घाइते

धादिङ- पृथ्वी राजमार्गमा दुई वटा बस एक आपसमा ठोक्किएका छन । यसरी भएको दुर्घटनामा परी १३ जना घाइते भएका छन् ।

गोरखाबाटबाट काठमाडौँ आउँदै गरेको र काठमाडौँबाट चितवनतर्फ जाँदै गरेको यात्रुबाहक बस धादिङको गजुरी गाउँपालिका- ६ बाँछेटारमा एक आपसमा ठक्कर खाँदा एक बालकसहित १३ जना घाइते भएका हुन् ।

ईलाका प्रहरी कार्यालय गजुरीका अनुसार घाइते मध्य केहीको अवस्था गम्भिर रहेकाे र उनिहरुलाई थप उपचारका लागि काठमाडौँ  ल्याइएको छ ।

दुर्घटनामा परेका अन्यकाे अवस्था सामान्य रहेकाे ईलाका प्रहरी कार्यालय गजुरीका प्रमुख प्रहरी नयब उपरीक्षक डिल्लिनारायण पाण्डेले जानकारी दिनुभएको छ ।।