डोटीको पूर्वीचौकी ६ नम्बर वडामा कांग्रेसका थापा विजयी

डोटी- डोटीको पूर्वीचौकी गाउँपालिका ६ नम्बर वडामा सम्पन्न भएको उपनिर्वाचनमा नेपाली कांग्रेसका उम्मेदवार मोहन थापा विजयी हुनुभएको छ । थापाले ८ सय ३९ खसेको मतमध्ये ४ सय ६८ मत प्राप्त गर्दै विजयी हुनुभएको हो ।

उहाँका निकटम प्रतिद्वन्द्वी नेकपा एमालेका उम्मेदवार देव थापाले ३ सय १ मत प्राप्त गर्नुभएको छ भने माओवादी केन्द्रका उम्मेदवार देवीलाल थापाले २६ मत र राष्ट्रिय स्वतन्त्र पार्टीकी उम्मेदवार जानकी खड्का कुवँरले ३१ मत प्राप्त गर्नुभएको छ ।

पूर्वीचौकी ६ नम्बर वडाका वडा अध्यक्ष पुष्पराज जोशीको निधनपछि यो उपनिर्वाचन गरिएको हो । जोशी पनि कांग्रेसबाट निर्वाचित वडा अध्यक्ष हुनुहुन्थ्यो ।