बागमती प्रदेशको मुख्यमन्त्रीमा इन्द्र बानियाँ नियुक्त

ईन्द्रबहादुर बानियाँ नेपाली राजनीतिमा लामो समयदेखि सक्रिय, खरो स्वभावका र स्पष्ट धारणा राख्ने नेताका रूपमा परिचित नाम हो । पाटी भित्र निरन्तर संगठित रुपमा अगाडि बढ्दै आउनुभएका बानियाँ अहिले बागमती प्रदेशको मुख्यमन्त्री नियुक्तहुनु भएको छ ।

उहाँको राजनीतिक यात्रा, सामाजिक सक्रियता र नेतृत्व क्षमताले उहाँलाई प्रदेश राजनीतिमा अग्रपंक्तिको नेतृत्वमा पु¥याएको छ।

स्व. क्षेमबहादुर बानियाँ र माता प्रेमकुमारी बानियाको कोखबाट २०२७ साल भदौं १५ गते मकवानपुरको हर्नामाडी–४, दियावतीमा जन्मनु भएका बानियाँ हाल हेटौँडा–५ सानोपोखरा र ललितपुरको धापाखेल–१ माबसोबास गर्दै आउनु भएको छ। बानियाँले आफ्नो राजनीतिकयात्रा २०४४ सालमा सुरु गर्नुभयो। त्यसपछि २०५१ सालमा नेपाली कांग्रेसको महाधिवेशन प्रतिनिधिका रूपमा सहभागी हुनुभयो।

२०५२ सालमा नेपाल विद्यार्थी संघ मकवानपुर जिल्ला सहसचिव, २०५५ सालमा नेपाल तरुण दलमकवानपुरका सचिव र २०५६ सालमा तरुण दलजिल्ला अध्यक्ष बन्नु भयो । सोही वर्षदेखि नेपाली कांग्रेसको महासमिति सदस्यको जिम्मेवारीमा रहँदै आउनुभएको छ ।

२०५८ सालमा पार्टीको जिल्ला सदस्य बन्नु भएका बानियाँ २०६४ सालमा पहिलो संविधानसभा सदस्य निर्वाचनमा भने पराजित हुनुभयो । २०७० मंसिर ४ गतेको दोस्रो संविधान सभा निर्वाचनमा प्रत्यक्षतर्फबाट निर्वाचित हुनुभयो ।

बानियाँ २०७२ सालेदेखि २०७९ सम्म नेपाली कांग्रेस मकवानपुरको जिल्ला सभापतिको भूमिकामा रहनुभएको थियो । बानियाँ २०७४ सालमा संस्कृति, पर्यटन तथा नागरिक उड्ययन राज्यमन्त्री नियुक्त हुनुभयो । सोहीवर्ष नै गृह राज्यमन्त्रीको जिम्मेवारी सम्हाल्नुभयो ।

२०७४ मंसिर २१ गते सम्पन्न प्रदेशसभा निर्वाचनमा मकवानपुर क्षेत्र नं. १ (ख) बाट प्रत्यक्ष निर्वाचित भई प्रदेशसभा प्रवेश गर्नुभयो। त्यसपछि २०७४ पौष ३ गते काँग्रेस बागमती प्रदेश संसदीयदलको नेतामा सर्वसम्मत रूपमा चयनहुनुभयो । २०७८ सालमंसिर २० गतेदेखि हालसम्म नेपाली काँग्रेस बागमती प्रदेश सभापति हुनुहुन्छ । बाँनिया २०७९ मंसिर ७ गते प्रदेश सभा सदस्यमा पुनःनिर्वाचित हुनुभयो । २०८२ साउन १४ गते उहाँ नेपाली कांग्रेस बागमती प्रदेश संसदीयदलको नेतामा निर्वाचित हुनुभयो  ।

राजनीतिकजीवनसँगै उहाँ सामाजिक क्षेत्रमा पनि उत्तिकै क्रियाशील रहनुभएको छ। मकवानपुर उद्योग वाणिज्य संघ र मकवानपुर निर्माण व्यवसायी संघका सल्लाहकार, त्रिखण्डेश्वर महादेव संरक्षण तथापर्यटन विकास समितिको अध्यक्ष, मकवानपुर बहुमुखी क्याम्पसको कार्यसमिति सदस्य र छात्रवृत्ति समितिको संयोजकको जिम्मेवारी सम्हालि सक्नुभएको छ । बानियाँ स्पष्टविचार र खरो अभिव्यक्तिका लागि चिनिने नेता हुनुहुन्छ। आफ्नै दलका मुख्यमन्त्री विरुद्ध अविश्वासको प्रस्ताव ल्याएर नेतृत्व परिवर्तन गराउन सफल बन्नु उहाँको राजनीतिक परिपक्वताको प्रमाण हो । संगठन निर्माण, जनसंपर्क र लोकतान्त्रिक अभ्यासमा उहाँको पकड बलियो छ ।