चितवन राष्ट्रिय निकुञ्जको चित्तल मारेर खाने ७ जना पक्राउ

चितवन- चितवन राष्ट्रिय निकुञ्जको चित्तल मारेर खाने ७ जना पक्राउ परेका छन् । हिजो राति ११ बजे चितवन राष्ट्रिय निकुन्जको मध्यवर्ती क्षेत्रबाट उनीहरुले चित्तल मारेका थिए ।

भरतपुर महानगरपालिका २३ घैलाघारी मध्यवर्ती सामुदायिक वन क्षेत्रबाट चित्तल मारेर बस्तीमा लगेर खाँदै गरेका उनीहरुलाई निकुञ्ज सुरक्षार्थ खटिएको बटुकदल गणका सेना र निकुञ्जको संयुक्त टोलीले पक्राउ गरेका हुन् ।

पक्राउ परेका विरुद्ध आवाश्यक कानुनी कारबाही अगाडी बढाइएको निकुञ्जले जानकारी दिएको छ ।