६५८८ जनाको पीसीआर परीक्षण गर्दा ७७६ जनामा कोरोना संक्रमण

काठमाडौं– नेपालमा आज थप ७७६ जना कोरोना भाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ६५८८ जनाको पीसीआर परीक्षणमा ७७६ जनामा संक्रमण पुष्टि भएको हो ।

गत २४ घण्टामा ९४७ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ४० हजार ३ सय ६३ जना छन् । नेपालमा निको हुने दर ९५ दशमलव ४ प्रतिशत रहेको छ ।

कोरोना संक्रमणबाट थप ६ जनाको मृत्यु भएको छ । अहिलेसम्म मृत्यु हुनेको संख्या १७४९ रहेको छ ।

गत २४ घण्टामा काठमाडौं उपत्यकामा ३६३ जना संक्रमित भएका छन् । तीमध्ये काठमाडौंमा २७३, भक्तपुरमा ४० र ललितपुरमा ४५ जना संक्रमित थपिए ।