रास्वपा परित्याग गरेका परियार नयाँ दल गठन गर्ने तयारीमा

काठमाडौँ- राष्ट्रिय स्वतन्त्र पार्टी (रास्वपा) नेता सन्तोष परियारले पार्टी परित्याग गर्नुभएको छ ।

नेता परियारसहितका नेताहरू अब नयाँ दल खोल्ने तयारीमा जुटेको बताइएको छ । नयाँ दल गठनका लागि प्रगतिशील राष्ट्रिय अभियानका नेता जनार्दन शर्मा, नेपाल समाजवादी पार्टी (नयाँ शक्ति) का नेत्री मानुषी भट्टराईलगायत नेतासँग परामर्श भइरहेको परियारले जनाउनुभएको छ ।

नयाँ दल गठन गर्ने तयारी भइरहेको र नेतृत्वबारे टुङ्गो नलागेको भन्दै परियारले त्यसमा आफूलगायत प्रगतिशील राष्ट्रिय अभियानका सुदन किराँती, मानुषी यमी भट्टराईलगायत रहने जानकारी दिनुभयो ।

यसअघि उहाँले आजै प्रगतिशील राष्ट्रिय अभियानका नेता शर्मासँग पनि छलफल गर्नुभएको थियो ।

डा बाबुराम भट्टराईकी छोरी मानुषी भट्टराईले पनि आफूहरू राजनीतिको पुनःगठनका लागि छलफलमा जुटेको पुष्टि गर्नुभयो ।।