कृषिमा आधुनिक प्रविधिको प्रयोग: ड्रोनबाट औषधि छर्कने काम प्रभावकारी

बारा- परम्परागत कृषि प्रणालीमा आधारित बारा निजगढका किसानहरुले अब प्रबिधिको प्रयोग गरी कृषि बालीमा औषधि र भिटामिन छर्न शुरु गरेका छन  ।

बिषादी छर्दा मानव स्वास्थ्यमा समस्या भएका कारण औषधि छर्ने मानिस नपाउने अबस्थामा अब निजगढमा पहिलो पटक केरा किसानहरुले केरामा औषधि र भिटामिन छर्न आधुनिक प्रबिधि अर्थात ड्रोन प्रयोग गर्न शुरु गरेका हुन्।

राष्ट्रिय कृषि आधुनिकीकरण र कृषि ज्ञान केन्द्र बाराको ५० प्रतिशत अनुदान सहयोगमा १६ लाख रुपैँयामा खरिद गरी ड्रोन ल्याएपछि अहिले प्रयोगमा आएको हो ।

किसानलाई औषधि हाल्न समस्या र म्यान पावर नहुँदा समस्या हुँदै आएको अबस्थामा ड्रोनका कारण समयको बचत, सुरक्षित र लागत घटाउने राष्ट्रिय कृषि आधुनिकीकरण परियोजना, केरा जोन बाराका संयोजक हिरा सारु मगरले जानकारी दिनु भएको छ ।

कृषिमा ड्रोनको प्रयोग भएको जानकारी पाएपछि निजगढ गौरी शंकर बिद्यालय निजगढ-८ का कृषि बाली विज्ञान प्राबिधिक बिषयका बिद्यार्थीहरुले यसको जानकारी पनि लिएका छन।

अबलोकन पछि छिटो गर्न उपयोगी हुने र पढाइ र अध्ययनमा समेत सहयोगी हुने उनीहरुको बुझाइ छ ।

परम्परागत कृषि प्रणाली हटाएर आधुनिक प्रविधि भित्र्याउन आबश्यक भएको बताउँदै कृषिमा युवाको पहुँच र लागत घटाउन सहयोगी हुने कृषि प्राबिधिक समेत रहेका बिक्रेता अनौज अधिकारी बताउनुहुन्छ ।

मधेश प्रदेशमै पहिलो पटक कृषिमा भिटामिन र औषधि छर्न ड्रोनको प्रयोगले कृषिमा युवाहरुको सहभागिता सँगै समय र लागत घटाउन सहयोगी हुने यस्ता कार्यक्रमलाई सरकारले प्रवर्द्धन गर्न आबश्यक रहेको किसानहरु बताउँछन।।