भोलि प्रतिनिधिसभाको बैठक आह्वान

काठमाडौँ — भोलि बुधबार प्रतिनिधिसभाको बैठक बस्ने भएको छ। बैठक बुधबार दिउँसो १ बजे का लागि बोलाइएको संसद महासिचव पद्म प्रसाद पाण्डेले जानकारी दिनु भएको छ ।

बैठकमा सभामुखले महाविपत्तिबारे विशेष प्रस्ताव प्रस्तुत गर्ने कार्यसूची स्वीकृतको तयारी गरिएको छ । यस्तै बैठकमा संसद्मा रहेका ६ दलका तर्फबाट नेताहरूलाई महाविपत्तिकेन्द्रित विषयमा बोल्न दिने सहमति दलहरु बीच  भएको छ।

विशेष प्रस्तावमा प्रस्तावक र समर्थक रहने छैनन्। सदन १७ र १८ गते दुवै दिन सञ्चालन हुनेछ। त्यसपछि तीन दिन सार्वजनिक बिदा हुनेछ र २२ गतेदेखि सदन पुनः सञ्चालन हुनेछ।

सरकारले २२ गते राष्ट्रिय शोक घोषणा गरेमा २३ गतेदेखि संसद्ले नियमित कामकारबाही अघि बढाउने राष्ट्रिय स्वतन्त्र पार्टी (रास्वपा) का सचेतक प्रकाशचन्द्र परियारले जानकारी दिनुभएको छ।