२४ घण्टामा २९०५ संक्रमित थपिए, १८ जनाको मृत्यु

काठमाडौं– नेपालमा थप २९०५ जना कोरोना संक्रमित थपिएका छन् ।

गत २४ घण्टामा १३०२४ जनाको पीसीआर र एन्टीजेन परीक्षण गर्दा २९०५ जनामा संक्रमण पुष्टि भएको हो । ८१०८ जनाको पीसीआर परीक्षण गर्दा २०१० र ४९१६ जनाको एन्टीजेन परीक्षण गर्दा ८९५ संक्रमित भएका छन् ।

स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीका अनुसार गत २४ घण्टामा १८ जनाको मृत्यु भएको छ ।

गत २४ घण्टामा १६०६ जना कोरोनाबाट निको भएका छन् ।