२४ घण्टामा २५४८ नयाँ संक्रमित, एकैदिन ५५ जनाको मृत्यु

काठमाडौं– नेपालमा गत २४ घण्टामा कोरोनाबाट २५४८ जना नयाँ संक्रमित थपिएका छन् ।

१२३७८ जनाको नमूना परीक्षण गर्दा २५४८ जना नयाँ संक्रमित थपिएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार २४ घण्टामा २०२९ जना संक्रमणमुक्त भएका छन् भने ५५ जनाको मृत्यु भएको छ ।

नेपालमा हालसम्म मृत्यु हुनेको संख्या १००९३ रहेको छ ।

मन्त्रालयका अनुसार नेपालमा सक्रिय संक्रमितको संख्या ३५४८५ जना रहेको छ ।