अलपत्र परेका पर्यटकलाई हेलिकप्टरबाट उद्धार

हुम्ला- हुम्लाको चाङला हिमालकाे बेस क्याम्पमा हिमपातले अलपत्र परेका पर्यटकको उद्धार गरिएकाे छ ।

एकसातादेखि सिमकाेट गाउँपालिका-१ स्थित चाङला हिमाल चढन पुगेका पाँच जना बेलायती नागरिक र दुई जना नेपाली नागरिकलाई माउन्टेन एयरकाे हेलिकप्टरबाट सकुशल उद्धार गरिएकाे हाे ।

साेमबार दिउँसो अलपत्र परेका सात जना पर्यटकहरूकाे उद्धार गर्न प्रयास गरिएपनि खराब माैसमले उद्धार हुन नसकेकाे माउन्टेन एयर हेलिकप्टरका फ्लाइट अफिसर आकृति प्रधानले जानकारी दिइन ।

साेमबार गृहमन्त्रालयबाट परिपत्र आएपछि चाङला हिमालकाे बेस क्याम्पमा हिमपातले अलपत्र परेका पर्यटकहरूकाे उद्धार गर्न भनिएपनि माैसमले साथ नदिएपछि आज उद्धार गरिएकाे हो ।

हिमाल चढन चाङला हिमाल पुगेका पाँच बेलायती नागरिक र दुई जना नेपाली नागरिक चाङला हिमालमै एकसातादेखि अलपत्र परेका थिए ।।