महामारीमा स्वास्थ्यकर्मीहरु धर्नामा, स्थायी हुनुपर्ने माग (भिडियोसहित)

काठमाडौं– निजामती कर्मचारी अस्पतालका कर्मचारीहरूले आफूहरूले सरकारी कर्मचारीले सरह तलव सुविधाहरू पाउनु पर्ने माग गरेका छन् ।

वर्षौंदेखि आफूहरू न्यून सुविधामा काम गर्न वाध्य भएको र आफूहरूले उठाउँदै आएको मागमा कुनै सुनुवाई नभएको भन्दै उनीहरूले अस्पताल हाता भित्रै विरोध प्रदर्शन गरेका छन्। अस्पतालका कर्मचारी र स्वास्थ्यकर्मीलाई समेत तलव, ग्रेड, भत्ता, वढुवा लगायतका सुविधाहरूमा विभेद गरिएको भन्दै उनीहरूले ९ बुँदे मागपत्र अघि सारेका छन्।

सम्बन्धित निकाय तथा पदाधिकारीको ध्यानाकर्षणको लागि आफूहरूले विरोधका कार्यक्रम अघि सारेको भएपनि अस्पतालको सेवामा कुनै असर पर्न नदिएको निजामती कर्मचारी अस्पताल कर्मचारी संघले जनाएको छ।