पर्यटन व्यवसायलाई उकास्न राष्ट्रिय संकल्प चाहिन्छ- पर्यटन मन्त्री भट्टराई

नेपालको पर्यटन क्षेत्रमा भएको १ खर्व ५० अर्वभन्दा बढीको लगानी जोखिममा परेको छ ।

कोभिड- १९ ले गर्दा पर्यटन क्षेत्रमा यति ठूलो नोक्सानी परेको हो ।

कोभिडपछि पर्यटन क्षेत्रको असर सम्बन्धी गरिएको एक अध्ययनले नेपालको पर्यटन क्षेत्रको डेढ खर्व भन्दाबढी लगानी जोखिममा परेको देखाएको हो ।

नेपाल पर्यटन वोर्डले केही समय अघि यो अध्ययन गरेको थियो ।

पर्यटन क्षेत्रमा निजी क्षेत्रको मात्रै १ खर्व ५३ अर्व रुपैयाँ बराबरको लगानी रहेको छ ।

यस्तो लगानी पर्यटन क्षेत्रका होटल, एयरलायन्स, रेष्टुरेण्टदेखि पदयात्रा, पर्वतारोहण र जलयात्राको क्षेत्रमा रहेको छ ।

कोभिड- १९ ले गर्दा यो क्षेत्रमा रहेका २ लाख ७३ हजारले प्रत्यक्ष रोजगारी गुमाएका छन ।

यसैबीच संकृति पर्यटन तथा नागरिक उड्डयन मन्त्री योगेशकुमार भट्टराईले कोभिड- १९ का कारण थला परेको पर्यटन क्षेत्रलाई राहत एवं पुनर्उत्थानका लागि बजेटमा विशेष व्यवस्था गरिएको बताउनु भएको छ ।

धरासायी हुँदै गएको पर्यटन व्यवसायलाई उकास्न राष्ट्रिय संकल्प नै आवश्यक भएको मन्त्री भट्टराईको भनाइ थियो ।।