गण्डकी प्रदेशको ‘जनतासँग मुख्यमन्त्री’ कार्यक्रम आजबाट प्रसारणमा

काठमाडौँ- गण्डकी प्रदेश सरकार र नेपाल टेलिभिजनको सहकार्यमा गण्डकी प्रदेशका विविध गतिविधिहरुको संगालो ‘जनतासँग मुख्यमन्त्री’ कार्यक्रममा आजबाट प्रसारणमा हुँदै छ  ।

पाक्षिक रुपमा बुधबार वेलुका ७.२५ बजे नेपाल टेलिभिजनको समाचार च्यानलबाट प्रसारण हुने यस कार्यक्रमको पहिलो भाग आज प्रसारण गर्न लागिएको हो ।

कार्यक्रमलाइ शुभकामना सन्देश दिनुहुँदै गण्डकी प्रदेशका मुख्यमन्त्री सुरेन्द्रराज पाण्डेले यस कार्यक्रममा गण्डकी प्रदेश सरकारले अघि बढाएका नीति कार्यक्रम, विकास आयोजना, तिनको अवस्था साथै स्थानीयका सुझाब एवम् अपेक्षा सम्बन्धि विषय बस्तुहरु कार्यक्रमका अन्तरबस्तु रहने हुँदा यस कार्यक्रमले नागरिकमाझ प्रदेश सरकारको उपस्थिति र नागरिकका सुझाब र अपेक्षाहरु प्रदेश सरकारसँग ल्याइ पुर्याउन सहयोग पुग्ने विश्वास व्यक्त गर्नु भयो ।

गण्डकी प्रदेशले अघि सारेको ’आत्मनिर्भर र सम्मुन्त प्रदेश, सम्मानित प्रदेशबासी’को दीर्घकालिन सोच पुरा गर्न यस कार्यक्रममले प्रदेश सरकार र प्रदेशका नागरिकबीच सेतुको रुपमा भूमिका खेल्ने पनि उहाँले वताउनु भयो  ।

प्रदेश सरकारले अघि सारेका विकास निर्माण आयोजना ती आयोजनाहरुमा नागरिकहरुको सहभागिता, सहकार्य, निगरानी बढाउन र विकासका प्रतिफलमा प्रदेश बासीको सहज पहुँच स्थापित गराउन सहयोग पुर्याउनु कार्यक्रमको मुल लक्ष्य रहेको ‘जनतासँग मुख्यमन्त्री कार्यक्रमका संयोजक गोविन्द धितालले जानकारी दिनुभयो ।