इलाम र बझाङमा हुने उपनिर्वाचनमा जनमतले उम्मेदवारी दिने,सरकारमा सहभागी नहुने

काठमाडौँ- जनमत पार्टीले इलामको प्रतिनिधिसभा निर्वाचन क्षेत्र नं २ तथा बझाङको प्रदेशसभा क्षेत्र नं १ (१) मा हुन गइरहेको निर्वाचनमा उम्मेदवारी दिने भएको छ ।

पार्टीका प्रवक्ता डा शरद्सिंह यादवले केन्द्रीय सचिवालय बैठकका निर्णयहरु सार्वजनिक गर्दै जानकारी दिनुभएको हो ।

बैठकले इलाम र बझाङमा हुन लागेको उप-निर्वाचनमा पार्टीले उम्मेदवारी दिनुका साथै नयाँ बनेको सत्ता गठबन्धनमा तत्कालै सहभागी नहुने निर्णय गरेकाे हाे ।

यस्तै सप्तरीमा गत माघ ८ गते भएको घटनाको छानबिन गर्न बनेको समितिले दिएको प्रतिवेदनउपर छलफल गरी निर्देशित प्रक्रिया अगाडि बढाउने निर्णय गरेको जानकारी पनि यादवले दिनुभयो ।।