यूरोपा लिगअन्तर्गतका क्वाटरफाइनल खेलहरू आजबाट शुरू

काठमाडौं-  यूरोपा लिगअन्तर्गतका क्वाटर्फाइनलका खेलहरू आजबाट शुरू हुँदैछन् । स्वदेशी फुटबल लिगको शीर्ष ६ मा पर्न सफल यूरोपेली क्लबहरूबीच उपाधिका लागि प्रतिस्पर्धा हुने यूरोपा लिगमा सेमिफाइनल प्रवेशका लागि आज राति ईटालियन क्लब ईन्टर मिलान र जर्मन क्लब बायर लिभरकुशनबीच खेल हुँदैछ। त्यस्तै अर्को खेलमा इङ्लिश क्लब म्यान्चेस्टर युनाइटेड र डेनिश क्लब कोपनहेगनबीच प्रतिस्पर्धा हुँदैछ। दुवै खेलहरू नेपाली समयानुसार राति १२ बजेर ४५ मिनेटमा शुरू हुनेछन्। क्वाटरफाइनलका चरणका बाँकी दुई खेलहरूमा भोलि युक्रेनी क्लब शख्तर डोनेस्क र स्वीश क्लब बाजल तथा इङ्लिश क्लब वुल्भ्स तथा स्पेनिश क्लब सेभिलाबीच भिडन्त हुँदैछ। कोरोनाभाइरसको महामारीका कारण करिब पाँच महिनासम्म स्थगित रहेको यूरोपा लिग अगस्ट ५ बाट पुनः शुरू भएको हो। लिग अन्तर्गतका सेमिफाइनल खेलहरू भने आगामि हप्ता हुँदैछन् ।।