बीपी स्वास्थ्य प्रतिष्ठानमा तालाबन्दी

सुनसरी- सुनसरीको धरानस्थित वीपी कोइराला स्वास्थ्य विज्ञान प्रतिष्ठानका उपकुलपतिको कार्यकक्षमा तालाबन्दी गरिएको छ ।
यहाँ स्थापना गरिएको कोभिड-१९ अस्पताल सञ्चालनलगायतको माग गर्दै नेपाली काँग्रेस निकट नेपाल तरुण दल धरान र स्वतन्त्र विद्यार्थी युनियनले तालाबन्दी गरेका हुन ।

बीपी प्रतिष्ठानले वैशाख ११ गते कोभिड १९ अस्पताल सञ्चालन गर्ने भन्दै उद्घाटन गरेको थियो । तर, हालसम्म सञ्चालनमा नआउँदा कोभिड १९ बाट संक्रमित बनेका बिरामीहरू समस्यामा परेको भन्दै तालाबन्दी गरेको संयुक्त विज्ञप्तिमा उल्लेख छ ।

धरानमा मात्रै १० जना कोरोना संक्रमित अहिले घरमै बसिहरेका छन् । यस्तो बेलामा पनि कोभिड अस्पताल सञ्चालनमा आएको छैन ।

प्रतिष्ठानका पदाधिकारी यस्तो जटिल अवस्थामा पनि सिनेट बैठक भन्दै काठमाडौ गएको भन्दै उनीहरुले आक्रोस पनि ब्यक्त गरेका छन ।।