सन्दिप लामिछाने सम्मिलित टिम जमाइका तल्लावासद्वारा सेन्ट लुई जुक्स ५ विकेटले पराजित

काठमाडौं- क्यारिवियन प्रिमियर लिग अन्तर्गत गएराती भएको खेलमा सन्दिप लामिछाने सम्मिलित जमाइका तल्लावासले सेन्ट लुई जुक्सलाई ५ विकेटले पराजित गरेको छ ।

नेपालका स्पिनर वलर सन्दिप लामिछानेले ४ ‌ओभरमा मात्र २३ रन खर्चिदै १ विकेट लिन सफल भए । जमाइकाका लागि असिफ अलिले सर्वाधिक ४७ रन बनाएका थिए ।

ब्रायन लारा एकेडेमी रंगशालामा टस हारेर ब्याटिङको निम्तो पाएको सेन्ट लुसियाले निर्धारित २० ओभरमा ७ विकेट गुमाएर १५८ रनको योगफल तयार पारेको थियो ।

१ सय ५९ रनको बिजय लक्ष्यसहित जवाफी ब्याटिङमा उत्रिएको जमैकाले १८ दशमलव ५ ओभरमा ५ विकेट गुमाएर लक्ष्य पूरा गरेको थियो ।-