नेपालमा कोरोना संक्रमणबाट मृत्यु हुने ३०० नाघे, आजमात्रै ११ जनाको मृत्यु

सोमबारमात्रै ११ जनाको ज्यान गएको स्वास्थ्य तथा जनसंख्या मन्त्रालयले जनाएको छ । मृत्यु हुनेमा ७ पुरुष र ४ जना महिला छन् ।

मृत्यु हुनेमा मोरङका ७६ वर्षीय पुरुष, सिरहाका ८७ वर्षीय पुरुष र ६२ वर्षीय पुरुष, सर्लाहीका ३५ वर्षीय पुरुष, दोलखाका ६९ वर्षीय पुरुष, मकवानपुरका ३९ वर्षीय पुरुष र बाँकेका ५९ वर्षीय पुरुष रहेका छन् ।

यसैगरी काठमाडौंका ३७ वर्षीया महिला, ९० वर्षीया महिला र ८३ वर्षीया महिला तथा कास्कीका ६३ वर्षीया महिलाको ज्यान गएको छ । नेपालमा संक्रमित हुनेहरुबाट मृत्यु हुनेको प्रतिशत ०.६४ रहेको छ ।-