कैदीबन्दीले बनाएका मुढा बिक्रि भएन

धादिङ-जिल्ला कारारगार धादिङका कैदी बन्दीहरुले बनाएको बाँसका मुढा बिक्रि नहुँदा समस्या भएको छ ।
पहिले चीन निर्यात हुने बाँसका मुढाहरु अहिले कोरोना संक्रमणका कारण रोकिएको हो ।

उत्पादित मुढा निर्यात नहुँदा कैदीबन्दीहरुलाई आवाश्यक पर्ने खर्च जुटाउन समस्या भएको उनीहरुको भनाइ छ ।

सरकाले दैनिक दिएको सिदाले खर्च नपुग्ने र आँफुहरुले अन्य खर्चका लागि बाँसका मुढा बनाई विक्रि गर्ने गरेकोमा यस वर्ष मुढा विक्रि नहुँदा समस्या आएको बन्दीहरुको भनाइ छ ।

मुढा विक्रि नहुँदा आफुले बाँकस, डोरी र टायर लगायत रंग किनेको रकम समेत तिर्न नसकेको गुनासो उनीहरुको छ ।
जिल्लमा रहेका कैदी बन्दीहरुले मुख्य आम्दानीको रुपमा मुढा बनाउने काम गर्दै आएका थिए ।

उनीहरु एउटा मुढा तीन सयदेखि तीन सय असीसम्ममा विक्रि गर्ने गर्थे । अहिले उत्पादन गरेर बजारमा लान तयारी अवस्थामा रहेका सबै मुढा थन्काएर राखिएका छन ।

कोरोनाका कारण चीन निर्यातका लागि भन्सारहरु कहिले बन्द हुने त कहिले खुल्ने समस्याले गर्दा ब्यपारीहरु आजकाल मुढा लिन आउनै छाडेका छन् ।

पहिले प्रति हप्ता एक कन्टेनरको दरले मुडा चीन निर्यात हुँदै आएकोमा अहिले निर्यात ठप्प भएको हो ।।