हुम्लामा बन्यो स्वास्थ्य सेवा कार्यालयको भवन

हुम्ला– स्वास्थ्य सेवा कार्यालय हुम्लाको नव निर्मित प्रशासनिक भवन संचालनमा आएको हो ।

नवनिर्मित भवनको हिजो उद्घाटन गरिएसँगै अब सेवाग्राहीले नयाँ भवनबाट सेवा लिन पाउनेछन ।

यो नवनिर्मित प्रशासनिक भवन झण्डै ३ करोडको लागतमा निर्माण गरिएको हो ।

२ करोड ९७ लाख ९१ हजार ७ सय २२ रुपैया ८९ पैसामा नव निर्मित भवन निर्माण भएको स्वास्थ्य सेवा कार्यालय हुम्लाका प्रमुख प्रेमबहादुर सिहंले जानकारी दिनुभयो ।

भवन डिभिजन कार्यालय जुम्ला माताहतबाट यो भवन निर्माण भएको हो ।

कर्णाली प्रदेश प्रमुख गोविन्द्र प्रसाद कलौनीले बुधबार यो भवनको उद्धघाटन गर्नुभएको थियो ।।