म्यानचेष्टर युनाइटेड इङलिस प्रिमियर लिगको दोस्रो स्थानमा

अग्रस्थानमा रहेको लिभरपुलसँग अंकमा बराबरीमा रहँदै म्यानचेष्टर युनाइटेड इङलिस प्रिमियर लिगको दोस्रो स्थानमा आइपुगेको छ ।

आज बिहान सम्पन्न खेलमा युनाइटेडले पाँचौ स्थानमा रहेको एष्टर्नभिल्लालाई १ का विरुद्ध २ गोलले पराजित गरेको हो । पहिलो हाफमा आफ्नो घरेलु मैदानको फाइदा उठाउँदै १ गोलले अग्रता लिएको युनाइटेडले ६१ औँ मिनेटमा दोस्रो गोल गरेको हो । यो हारसँगै एष्टर्नभिल्ला भने १ तह मुनि झन्डै छैटौ स्थानमा ओर्लिएको छ ।

युनाइटेड भने यो जीतसँगै ३३ अंक बटुल्दै लिभरपुलसँग बराबरी अंकमा रहँदै दोस्रो स्थानमा रहेको छ । गए राति सम्पन्न अर्को खेलमा भने इभर्टन आफ्नो घरेलु मैदानमा वेष्टह्यामसँग ० का विरुद्ध १ गोलले पराजित भएको छ । प्रिमियर लिगका अन्य तीन खेलहरु आज साँझ हुँदैछन् ।

जसअन्तर्गत टोटनह्याम लिड्ससँग प्रतिस्पर्धा गर्दैछ भने क्रिष्टल प्यालेस सेफिल्ड युनाइटेडसँग आमनेसामने गर्दैछ । यस्तै ब्राइटन वुल्भसँग आफ्नै घरेलु मैदानमा खेल्दैछ ।