लिभरपुलको सहज जीत

इङ्लिस प्रिमियर लिग अन्तर्गत आज बिहान सम्पन्न खेलमा लिभरपुलले टोटनह्यामलाई एक गोलका विरुद्ध तीन गोलको सहज जीत निकालेको छ ।

प्रिमियर लिगको पछिल्ला पाँच खेलहरुमा बराबरी र हार बेहोर्दै आएको लिभरपुलले यो खेलमा भने जीत निकाल्न सफल भएको हो ।

टोटनह्यामको घरेलु मैदानमा भएको खेलको पहिलो हाफको अन्तिम समयमा लिभरपुलका फर्मिनोले गरेको गोलको अग्रतालाई खेलको अन्तिम समयसम्म कायम राख्दै यो जीत लिभरपुलले आफ्नो पक्षमा पारेको हो ।

यो जीतसँग लिभरपुल पाँचौ स्थानबाट एक खुड्किलो माथि चौथो स्थानमा उक्लिएको छ । म्यानचेष्टर सिटी र म्यानचेष्टर युनाइटेड भने क्रमशः पहिलो र दोस्रो स्थानमा रहेका छन् । प्रिमियर लिगका अन्य पाँच खेलहरु आज साँझ खेलिंदैछन् ।-