पीएसजीले वार्सिलोनालाई स्तब्ध बनायो

एम्बाप्पेको ह्याट्रिकले वार्सिलोनाले लज्जास्पद हार व्यहोरेको छ ।

युवा फरवार्ड किलियन एक्बाप्पेले सानदार ह्याट्रिक प्रहार गरेपछि फ्रान्सेली च्याम्पयिन पिएसजीले वार्सिलोनाको घरेलु मैदानमा १ गोलका विरुद्ध ४ गोलको सानदार जीत निकालेको हो । युइएफए च्याम्पियन्स लिग अन्तर्गत् अन्तिम १६औं चरणको आज विहान सम्पन्न पहिलो लेगमा पिएसजीले वार्सिलोनालाई स्तब्ध बनाएको हो ।

खेलको पहिलो हाफको २७ औं मिनेटमा पाएको पेनाल्टीलाई मेस्सीले गोलमा परिणत गर्दै वार्सिलोनालाई अग्रता दिलाएका थिए । तर अग्रता दिलाएको पाँचै मिनेटमा एम्बाप्पेले गोल फर्काउँदै खेललाई बराबरीमा लगेका थिए ।

पहिलो हाफ बराबरीमा खेलेको बार्सिलोनाले दोस्रो हाफमा भने एम्बाप्पेको ह्याट्रिक सहित गोलको वर्षालाई रोक्न सकेन ।

चोटका कारण नियमार विना नै मैदानमा उत्रिएको पिएसजी अब दोस्रो लेग वार्सिलोनासँग पेरिसमा खेल्ने छ । यता लिभरपुलसँग आरबी लाइभ जिग स्तब्ध बन्न पुगेको छ ।

प्रिमियर लिगमा हार व्यहोर्दै आएको लिभरपुलले आज विहान सम्पन्न च्याम्पियन्स लिगमा भने आरबी लाइभ जिगलाई उसैको घरेलु मैदानमा २ -० को सानदार जीत निकालेको हो ।

पहिलो हाफ गोल रहित बराबरीमा खेलेको लिभरपुलले दोस्रो हाफको ५५ औं मिनेटमा मोहमद सालाले गरेको गरेको गोलबाट अग्रता लिएको हो । लिभरपुलले दोस्रो लेग अब आफ्नै घरेलु मैदान एनफिल्डमा लाइभ जिगसँग खेल्ने छ ।।