कोरोना संक्रमण बढ्दै गएपछि निषेधाज्ञामा कडाइ: आज मध्यरातबाट आन्तरिक उडान बन्द

काठमाडौं- कोरोना संक्रमण रोकथाम तथा नियन्त्रणका लागि जारी निषेधाज्ञाको पालना गर्न सरकारले आग्रह गरेको छ । स्थानीय प्रशासनले कोभिड- १९ संक्रमणको अवस्था हेरी देशका दर्जनौ जिल्लामा पू्र्ण तथा आ‌शिक निषेधाज्ञा जारी गरेकोको अवस्थालाई ध्यान दिन आग्रह गरिएको हो ।

यसैबीच, काठमाडौै उपत्यकामा निषेधाज्ञालाई थप कडाई गर्न सुरक्षा चेकजाँच र निगरानी बढाइएको छ । अनावश्यक रुपमा घर बाहिर ननिस्कन र अनावश्यक सवारी साधन समेत नचलाउन गृह मन्त्रालयले आग्रह गरेको छ ।

यसैगरी, आज मध्यरातिबाट आन्तरिक उडान बन्द हुने भएको छ ।

हिजो बसेको मन्त्रिपरिषद्को बैठकले आज मध्यरातिबाट आन्तरिक उडान बन्द गर्ने निर्णय गरेको हो । यस्तै बैठकले वैशाख २२ गतेको मध्यरातीबाट अन्तराष्ट्रिय उडानमा रोक लगाउने निर्णय गरेको परराष्ट्रमन्त्री प्रदीप कुमार ज्ञवालीले जानकारी दिनुभयो ।

सरकारले काठमान्डौ उपत्यकामा निषेधाज्ञा जारी गरे पनि आन्तरिक तथा अन्तराष्ट्रिय उडान भने बन्द गरेको थिएन । नेपालमा दिनहुँ संक्रमण दर उच्च भएकोले सरकारले उडान बन्द गर्ने निर्णय गरेको हो ।।