नेपाल सुपर लिग : काठमाडौँ शीर्ष स्थानमा रहँदै प्ले अफमा

काठमाडौं- नेपाल सुपर लिगअन्तर्गत हिजो भएको अन्तिम खेलमा काठमाडौंँ रेजर्सले एफसी चितवनलाई २–१ गोलअन्तरले पराजित गरेको छ ।

कुल ६ खेलबाट १३ अंक जोडेको काठमाडौँ लिगको शीर्ष स्थानमा रहँदै प्ले अफमा प्रवेश गरेको छ । त्रिपुरेश्वरस्थित दशरथ रंगशालामा भएको खेलमा काठमाडौंका लागि विदेशी मेसोउके ओलोमोऊ र संजोग राईले एकएक गोल गरेका थिए । चितवनका लागि सान्त्वना गोल राजीव लोप्चनले गरेका थिए ।

खेलको १७ औंँ मिनेटमा काठमाडौँका ओलोमोउले गोल गरेका हुन् । यसैगरी खेलको ३४ औंँ मिनेटमा संजोग राईले काठमाडौँका लागि दोस्रो गोल गरेका थिए ।

उता चितवनका लागि खेलको ४०औंँ मिनेटमा राजीव लोप्चनले मात्र गोल गरेका थिए । चितवनले लिगका कुनै पनि खेल जित्न सकेन । चितवनले ६ खेल मध्ये चारमा हार तथा दुई खेलमा बराबरी खेल्यो ।

काठमाडौंँले अब फाइनल प्रवेशका लागि भोलि धनगढी एफसीसँग प्लेअफमा खेल्नेछ ।।