काँग्रेस तरुण विभाग डेनमार्कको प्रमुखमा तिवारी

काठमाडौँ- नेपाली काँग्रेस केन्द्रीय तरुण विभागको डेनमार्क शाखा प्रमुखमा काभ्रेका प्रदिप तिवारी मनोनयन हुनु भएको छ ।

आठ वर्षदेखि डेनमार्कमा बस्दै आउनु भएका तिवारीलाई डेनमार्क शाखा प्रमुखमा मनोनय गरिएको नेपाली काँग्रेस तरुण विभाग प्रमुख एवं पार्टीका केन्द्रीय सदस्य शंकर भण्डारीले जानकारी दिनुभएको हो ।

तिवारीलाई नेपाली काँग्रेस केन्द्रीय तरुण विभाग साथै समग्रमा लोकतन्त्रप्रति आस्था राख्ने युवाहरुलाई डेनमार्क देशमा समन्वय गरी गतिशिल बनाउने जिम्मेवारी दिइएको छ ।

तिवारीलाई, नेपाली काँग्रेस विदेश समन्वय समितिको संयोजक र सह-संयोजकसँग समन्वय र सम्पर्कमा रहेर प्रभावकारी ढंगले जिम्मेवारी निर्वाह गर्न पनि भनिएको छ ।।