म्यानचेष्टर सिटी टोटेनहमसँग स्तब्ध

साविक विजेता म्यानचेष्टर सिटी टोटेनहमसँग स्तब्ध बनेको छ ।

गएराति सम्पन्न इङ्लिस प्रिमियर लिगअन्तर्गत टोटनहमले १(० गोलले म्यानचेष्टर सिटीलाई पराजित गरेको हो । आफ्नो घरेलु मैदान र करिब ५० हजार दर्शकको समर्थनमा पहिलो हाफ गोलरहित बराबरीमा खेलेको टोटनहमले दोस्रो हाफको ५५औं मिनेटमा कोरियाली फरवर्ड हुङ मिन सनको गोलले अग्रता लिएको थियो ।

काउन्टर अट्याकमा स्टिभन वर्गवाइनको पासलाई नियन्त्रणमा लिंदै सनले पेनाल्टी क्षेत्रको ठिक बाहिरबाट प्रहार गरेको बलले जाली चुमेपछि टोटनहमले यो जीत निकाल्न सफल भएको हो ।

आइतबार खेलिएको पहिलो खेलमा वेष्ट ह्यामले न्युकासल युनाइटेडलाई ४(२ गोलले पराजित गरेको छ ।