काँग्रेस महाधिवेशन : प्रतिनिधिसभा निर्वाचन क्षेत्रमा भएको मतदानको मत परिणाम आउने क्रम जारी

काठमाडौँ- नेपाली काँग्रेसको आसन्न १४ औँ महाधिवेशन अन्तर्गत हिजो भएको १२५ प्रतिनिधिसभा निर्वाचन क्षेत्रमा भएको मतदानको मतगणना भइरहेको छ ।

कतिपय स्थानको मतगणना सकिएको छ भने अन्यमा मतगणनाको अन्तिम परिणाम आउने क्रम जारी छ । मुलुकका कूल १६५ प्रतिनिधिसभा निर्वाचन क्षेत्रमध्ये यसअघि उच्च हिमाली जिल्लाको १६ निर्वाचन क्षेत्रमा अधिवेशन सम्पन्न भइसकेको छ ।

नेपाली काँग्रेसको १४औँ महाधिवेशन अन्तर्गत १० गते जिल्ला अधिवेशन हुँदैछ भने केन्द्रीय महाधिवेशन यही मंसिर २३ गतेदेखि काठमाडौँमा हुँदैछ ।।