दोलखा जिल्ला समन्वयको प्रमुखमा माओवादी केन्द्रका घतानी निर्वाचित
![](https://nepaltvonline.com/wp-content/uploads/2022/06/Dolkha_Jisasa.jpg)
दोलखा- दोलखामा जिल्ला समन्वय समितिकाे प्रमुखमा नेकपा माओवादी केन्द्रका बर्जुराम घतानी (कृष्ण) निर्वाचित भएका छन । उहाँले एमालेका ऋषिकेश उप्रेतिलाई पराजित गर्नुभएको हो ।
त्यसैगरी, जिल्ला समन्वय समितिकाे उपप्रमुखमानेकपा एकीकृत समाजवादीका दोर्जी शेर्पा बिजयी भएका छन । उनीहरू दुबै जना गठबन्धनका साझा उम्मेदवार हुन । जिससको सदस्यमा नेपाली कांग्रेसका तर्फबाट उम्मेदवार बनेका कृष्ण श्रेष्ठ, कल्पना थामी, अनिल तमाङ, निलम ठकुरी, मेनुका चौंलागाई, सन्तेन्जु शेर्पा र टसि शेर्पा निर्वाचत हुनुभएको छ ।
निर्वाचनमा गठबन्धन दल र एमालेका १९ जना उम्मेदवार प्रतिस्पर्धामा थिए । जिससको नेतृत्वका लागि नेपाली कांग्रेस, माओवादी केन्द्र र नेकपा एकीकृत समाजवादीबीचको गठबन्धन दल र एमालेबीच प्रतिस्पर्धा भएको थियो ।
दोलखाका ९ वटा स्थानीय तहका प्रमुख उपप्रमुख गरी १८ जनाले जिससको पदाधिकारी चयन गर्न मतदान गरेका थिए जिल्ला समन्वय समितिमा प्रमुख, उपप्रमुख, कम्तिमा तीन महिला सदस्य र कम्तिमा एक दलित वा अल्पसंख्यक सदस्य रहने गरी ६ देखि ९ सदस्यसम्म रहने व्यबस्था छ ।
जिससको निर्वाचनमा जिल्लाका ९ वटा स्थानीय तहका प्रमुख, उपप्रमुख गरी १८ जना मतदाताले मतदान गरेका थिए। गठबन्धनका उम्मेदवारले ११ मत ल्याएका छन ।।
प्रतिक्रिया राख्नुहोस्