सिंहदरवारभित्रको फोहार व्यवस्थापन निरन्तर भईरहेको छः शहरी विकास मन्त्रालय

काठमाडौं- सिंहदरवारभित्रको अहिले फोहारमैला निरन्तर व्यवस्थापन भईरहेको शहरी विकास मन्त्रालयले जनाएको छ । केही दिनदेखि काठमाडौं महानगरपालिकाले सिंहदरबार भित्रको फहोर नउठाउने जानकारी गराएको थियो ।

तर संघिय सचिवालय निर्माण तथा व्यवस्थापन कार्यालयले परिवर्तन सेवा प्रा.लिलाई फोहोर व्यवस्थापनको जिम्मेवारी दिएअनुसार फोहोर नियमित व्यवस्थापन भईरहेको मन्त्रालयले जानकारी गराएको छ ।

मन्त्रालयले यसअघि पनि महानगर र सिंहदरवारबीच फोहार व्यवस्थापनाबरे कुनैपनि असमझादारी नरहेको स्पष्ट पारेको छ । महानगर र अहिलेको फोहोर व्यवस्थापन गर्ने परिवर्तन सेवा प्रालिबीचको केही असमझदारीका कारण केही दिन मात्र सिहदरवारभित्रको फोहोर व्यवस्थापन नभएको मन्त्रालयको भनाई छ । अहिले फोहोर व्यवस्थापन सम्बन्धी कुनैपनि समस्या नरहेकाले नियमित काम भईरहेको मन्त्रालयले जनाएको छ ।