मेस्सी अमेरिकी क्लबमा आवद्ध

लियोनल मेस्सीले अमेरिकी क्लब इन्टर मियामीसँग औपचारिक सम्झौता गरेका छन् । अर्जेन्टिनी फरवार्डले अमेरिकन एमएलएस क्लबसँग सन् २०२५ सम्म रहने गरि सम्झौता गरेका हुन् ।

सात पटकका बालेन डी ओर विजेता मेस्सीले सिजन सकिएसँगै फ्रेन्च क्लब पेरिस सेन्ट जर्मेन (पीएसजी) छाड्ने निर्णय गरेका थिए ।

नयाँ गन्तब्यको रुपमा इन्टर मियामी जाने बताएका थिए ।मियामीका मालिक डभिड बेकह्यामले मेस्सी अनुबन्धनपछि सपना पुरा भएको प्रतिकृया दिएका छन् । मेस्सीले यसअघि युरोप बाहिर खेलेका थिएनन् ।