सिरहाको अम्बासमा बस्ने भनिएको एमाले सचिवालय बैठक सर्यो
सिरहा- सिरहाको धनगढीमाई नगरपालिका १४, अम्बासमा भोलि (शनिबार) गते हुने भनिएको नेकपा एमालेको केन्द्रीय सचिवालय बैठक सरेको छ । बैठकका लागि सम्पूर्ण तयारी पूरा भएपनि मौसम खराबीका कारण बैठक सरेको हो ।
आउँदो १३ गतेका लागि बैठकको मिति तय गरिएको पोलिटब्युरो सदस्य एवं सांसद लीलानाथ श्रेष्ठले जानकारी दिनुभयो । अम्बासमा तत्कालीन मालेको चौथो महाधिवेशन २०४६ भदौ ९ देखि १४ सम्म आयोजना भएको थियो ।
सोही महाधिवेशनबाट मदन भण्डारी पार्टी महासचिव पनि चुनिनु भएको थियो । एमालेले त्यसबेला महाधिवेशन भएकै घरमा केन्द्रीय सचिवालयको बैठक आयोजना गर्न लागेको छ ।
प्रतिक्रिया राख्नुहोस्