चुँदरा समुदायको पुर्ख्यौली ठेका बनाउने पेसा संकटमा (फोटो फिचर)

गुल्मी- गुल्मी जिल्लाका विभिन्न स्थानका चुँदरा समुदायले परम्परागत प्रविधिको प्रयोग गरेर काठका ठेकी बनाउने पेसा संकटमा पर्दै जान थालेको छ । पछिल्लो समय बजारमा प्लाष्टिक र स्टिलका सामान पाइन थालेसँगै काठको ठेकी बनाउने पेसा संकटमा पर्दै जान थालेको हो ।

पछिल्लो समय पुराना पुस्ताहरु सकिदै जानु र नयाँ पुस्ताहरु यस पेसातर्फ नलाग्नुले पनि यो पेसा संकटमा गर्दै जान थालेको रेसुङ्गा नगरपालिका वडानम्बर ७ मा ठेका निर्माण गर्दै आएका जयबहादुर चुँदराले बताउनुभयो । उहाँले बाउ बाजेदेखिको पुर्ख्यौली पेसालाई हालसम्म पनि निरन्तरदा दिँदै आउनु भएको छ ।

यहिँ पेसाबाट घरखर्च चलाउदै आएका चुँदराले गाँउ घरमा गाई भैंसी पालन कम हुँदै गएपछि यसको माघ घटदै उहाँको भनाइ छ । परम्परागत तरिकाले बढी मेहनत हुने भएपछि मेसिनले ठेका निर्माण गर्दै आएको बताउनुभयो ।

अहिले पुख्यौंली पेसालाई निरन्तरता दिने काम मात्रै भएको चुँदरा व्यवसायीको तर्क रहेको छ । बजारीकरणमा राज्यले ध्यान दिनसके पुर्ख्यौली पेसा संरक्षण र रोजगारीको माध्यम पनि बन्ने उहाँको भनाइ छ ।