शैक्षिक गणुस्तर सुधार र पूर्वाधार विकासमा महानगरको जोड: दाहाल

चितवन – भरतपुर महानगरपालिका प्रमुख रेनु दाहालले महानगरपालिकाले शिक्षाको गणुस्तरमा सुधार र शैक्षिक संस्थाको भौतिक पूर्वाधार विकासलाई उत्तिकै महत्वकासाथ अघि बढाएको बताउनु भएको छ ।

भरतपुर महानगरपालिका वडा नं–२५ मा रहेको प्रभात माध्यमिक विद्यालयको ५२ अ वार्षिकोत्सवको बोल्दै महानगर प्रमुख दाहालले स्कुलको भौतिक संरचना निर्माण, स्तरउन्नतिदेखि शैक्षिक पूर्वाधार विकास गर्दै प्रबिधिमैत्री शिक्षण सिकाईमा महानगरले जोड दिदै आएको बताउनु भयो ।

‘अबको शिक्षा बैज्ञानिक, सीपमुलक र व्यवहारीक हुन जरुरी छ । गुणस्तरिय शिक्षा दिन जरुरी छ ।  विद्यालयहरु प्रविधिमैत्री हुनुपर्छ। यसमा महानगरले जोड दिइरहेको छ। शैक्षिक गणुस्तर र भौतिक पूर्वाधार विकासलाई सँगसँगै लैजानु अहिलेको आवश्यक्ता हो।’ दाहालको भनाइ छ ।

कार्यक्रममा विद्यालयका प्रधानाध्यापक होमनाथ भण्डारीले विद्यालयले सञ्चालनमा ल्याएको ‘पढ्दै कमाउँदै’ कार्यक्रम प्रभावकारी बन्दै गएको बताउनु भयो । विसं २०२८ सालमा स्थापना भएको विध्यालयमा विसं २०७३ बाट प्राविधिक शिक्षा अध्ययन गराउन सुरू गरेको हो।