गठबन्धन टुट्नु सुखद: डा कोइराला

मोरङ- नेपाली काँग्रेसका पुर्व महामन्त्री एवम् नेता डा. सशांक कोइरालाले माओवादी केन्द्रसँगको गठबन्धन टुट्नु काँग्रेसका लागि सुखद् भएको धारणा राख्नु भएको छ ।

आज विराटनगरमा संचारकर्मीहरुसँग कुरा गर्दै नेता डा. कोइरालाले कम्युनिष्टसँग गठबन्धन गर्नु नै गलत भएको र अब नेपाली काँग्रेस एक ढिक्का भएर विचार र सिद्धान्तमा अडिग भएर अगाडि बढ्ने बताउनु भयो ।

उहाँले नेपाली काँग्रेसले प्रतिपक्षमा बसेर लोकतान्त्रिक तरिकाले जनताको आवाज बुलन्द गर्नुपर्ने जिकिर गर्नुभयो ।

फरक प्रसङ्गमा डा. कोइरालाले नेपाली काँग्रेसमा वरिष्ठ नेता सम्बन्धी व्याख्या नभएकाले अहिलेसम्म वरिष्ठ नेता नतोकिएको जानकारी दिनुभयो ।

उहाँले सभापतिमा हारेको भन्दा पनि पार्टिमा वरिष्ठ रहेका नेताका लागि वरिष्ठ नेताको प्रावधान राख्नुपर्ने जिकिर गर्नुभयो ।।