‘राइट टु प्रोटिन’ हाफ म्याराथनकाे उपाधि सन्तोषी र दीपकलाई

काठमाडाै‌- तेस्रो संस्करणको राइट टु प्रोटिन हाफ म्याराथनको उपाधि बागमती प्रदेशकी सन्तोषी श्रेष्ठ र त्रिभुवन आर्मी क्लबका दीपक अधिकारीले जितेका छन् ।
सन्तोषीले १ घण्टा २० मिनेट १९ सेकेन्डमा दौड पूरा गर्दै प्रथम बनेकी हुन् । गत वर्ष बंगलादेश गएका कारण  भाग लिन नपाएकाेमा तेस्रो संस्करणमा सन्तोषी दोस्रो पटक च्याम्पियन बन्न सफल भइन्  ।
यस्तै दोस्रो भएकी नेपाल पुलिस क्लबकी राममाया बुढाले १ घण्टा २१ मिनेट ५६ सेकेन्डमा पूरा गरिन् । एपीएफकी पुष्पा भण्डारीले १ घण्टा २३ मिनेट २ सेकेन्डमा दौड पूरा गर्दै तेस्रो स्थान प्राप्त गरिन् ।
चौथो भएकी त्रिभुवन आर्मी क्लबकी पूर्णलक्ष्मी न्यौपानेले १ घण्टा २३ मिनेट २० सेकेन्डमा पूरा गरिन् । एपीएफकी फुलमती रानाले १ घण्टा २५ मिनेट १७ सकेकेन्डमा पूरा गर्दै पाँचौं बनिन् ।

दशरथ रंगशालाबाट सुरु भएर भक्तपुरको राधे राधेबाट फर्किएको हाफ म्याराथन रुट पुरुषतर्फ दीपक अधिकारीले निर्धारित दूरी १ घण्टा ७ मिनेट ३३ सेकेन्डमा पूरा गरे । उनले लगातार दोस्रो पटक उपाधि जितेका हुन् । एपीएफका गोपिचन्द्र पार्की ९ सेकेन्डले पछि पर्दै दोस्रो बने । पार्कीले १ घण्टा ७ मिनेट ४२ सेकेन्डको समय लगाएका थिए । तीर्थ पुन १ घण्टा ७ मिनेट ४३ सेकेन्डमा दौड पूरा गर्दै तेस्रो भए ।
आर्मीका नरेन्द्र रावलले १ घण्टा ८ मिनेट ५१ सकेन्डका साथ चौथो र आर्मीकै खडक बहादुर खड्काले १ घण्टा ८ मिनेट ५६ सेकेन्डमा दौड गर्दै पाँचौं स्थान हासिल पारे ।
हाफ म्याराथन महिला र पुरुषतर्फ दुवै विजेताले १ लाख, दोस्रोले ७५ हजार, तेस्रोले ५० हजार, चौथोले ४० र पाँचौंले ३० हजार प्राप्त गरे ।

१० किलोमिटर पुरुषतर्फ आर्मीका मुकेश पाल प्रथम, सञ्जय श्रेष्ठ दोस्रो, गजेन्द्र राई तेस्रो, सुवाष कार्की चौथो र श्रीकाश राई पाँचौं बने ।

५ किलोमिटर खुल्ला महिलातर्फ आर्मीकी सृर्जना पाण्ड्य प्रथम, पुलिसकी राजपुरा पछाई दोस्रो, निर्मला केसी तेस्रो, आशा रावत चौथो र सुमित्रा कुमारी चौधरी पाँचौं बनिन् ।
स्कुलतर्फ ५ किलोमिटरमा विश्वराम कुँवर प्रथम, बादल कार्की दोस्रो, विकेश घिमिरे तेस्रो, कृष्ण परियार चौथो र आशिष कुमार क्षेत्री पाँचौं स्थान हात पारे ।
ह्विलचियर ३ किलोमिटर पुरुषतर्फ राम काजी मिजार प्रथम, रमेश खत्री दोस्रो, प्रेम विक तेस्रो, दीपक आले मगर चौथो र विष्णु पुकार श्रेष्ठ पाँचौं स्थानमा रह् । ह्विलचियरत महिलातर्फ ऐश्वर्य कुमारी कुमाल प्रथम, यामी झाक्री मगर दोस्रो, रजनी राई तेस्रो, पेमा गुरुङ चौथो र वविता थापा पाँचौं स्थानमा रहिन् ।।