नेपाल र अफगानिस्तानबीचको खेल जारी

काठमाडौँ- युएईमा जारी यू-१९ एशिया कप क्रिकेट प्रतियोगितामा अफगानिस्तानले दिएको १ सय २४ रनको लक्ष्य पच्छाएको नेपालले अहिले ब्याटिङ गरिरहेको छ ।

टस हारेर पहिले ब्याटिङ गरेको अफगानिस्तानले सबै विकेट गुमाउँदै १ सय २३ रन बनाएको थियो ।

अफगानिस्तानका दुबै जना ओपनर कुनैपनि रन बनाउन नसकी शून्य रनमा आउट भएपछि फैजल शिनोजादाले ५२ रन बनाएका थिए । नेपालका लागि युनिश ठकुरी र सन्तोष यादवले ३-३ र तथा हेमन्त धामी र अभिशेख तिवारीले २-२ विकेट लिएका थिए ।

प्रतियोगितामा समुह बीमा रहेको नेपालले हालसम्म खेलेका २ वटा खेलमध्ये दुबै खेलमा पराजित भएको छ ।

श्रीलंका, बंगलादेश र अफगानिस्तानसँगै नेपालसमेत रहेको समुह बीमा नेपाल अंक तालिकामा तेस्रो स्थानमा रहेको छ । अफगानिस्तान अन्तिम स्थानमा रहेको छ ।।