पर्यटनमार्फत विकास आवश्यक : कांग्रेस प्रवक्ता महत

नुवाकोट –  नेपालमा अब पर्यटनमार्फत स्थानीय क्षेत्रको विकास र प्रवर्द्धन गर्नुपर्ने कांग्रेस प्रवक्ता डा. प्रकाशशरण महतले बताउनु भएको छ।

नुवाकोटको पर्यटकीय स्थान ककनीमा आयोजित कार्यक्रममा पूर्व अर्थमन्त्री समेत रहनुभएका डा महतले नेपालमा अब स्थानीय श्रोत र साधनको व्यापक सदुपयोग गरी युवा पलायन रोक्नुपर्ने समेत बताउनु भयो। उहाँले पर्यटन र कृषिमार्फत युवामार्फत देशको विकास गर्न सकिने दाबी गर्नुभयो।

कांग्रेस प्रवक्ता डा महतले कृषि उत्पादन वृद्धि गर्दै आन्तरिक तथा बाह्य पर्यटन भित्र्याउन सके त्यसबाट आउने रकमबाट देशलाई समृद्धितर्फ लैजान सकिने बताउनुभयो।