बाढी प्रभावित १२ जनाको हेलिकोप्टरमार्फत उद्धार

काठमाडौँ- भोटेकोशी बाढीबाट प्रभावित रसुवाका विभिन्न क्षेत्रमा उद्धार कार्य जारी रहेको छ।

नेपाली सेनाका अनुसार हालसम्म स्याप्रुबेसीबाट ६ जना, मैलुङबाट २ जना र धुन्चेबाट ४ जनालाई हेलिकोप्टरमार्फत उद्धार गरिएको छ।

उद्धार कार्यका लागि प्रभावित क्षेत्रमा नेपाली सेनाका ४ वटा र निजी कम्पनीका ८ वटा गरी १२ वटा हेलिकोप्टर परिचालन गरिएको छ।

यसैबीच, नेपाली सेनाको मेडिकल टोलीले त्रिशूलीस्थित नं. १ सैन्य तालिम केन्द्रमा आकस्मिक उपचार सेवा प्रदान गरिरहेको छ।

प्रभावित तथा उद्धार गरिएका व्यक्तिलाई आवश्यक उपचार सेवा उपलब्ध गराउने काम भइरहेको सेनाले जनाएको छ।