अटोरिक्सा र बस ठोक्किंएर दुर्घटनाः पाँच घाईते, तीनको अवस्था गम्भीर

दाङ- दाङमा अटोरिक्सा र बस एकआपसमा ठोक्किंदा पाँच जना घाइते भएका छन् । दुर्घटनामा तीन जनाको अवस्था गम्भीर रहेको ईलाका प्रहरी कार्यालय तुलसीपुरले जनाएको छ ।

तुलसीपुरबाट सल्यान जाँदै गरेको रा १ ख २०३७ नम्बरको बसले तुलसीपुर ७ शान्तिपार्क चौकमा रा १ ह २२०७ नम्बरको अटोलाई ठक्कर दिदाँ अटोमा सवार पाँच जना घाइते भएको इलाका प्रहरी कार्यालय तुलसिपुरका प्रहरी निरिक्षक प्रकाश थापाले जानकारी दिनुभयो ।

घाइतेहरुलाई उद्दार गरि राप्ती प्रादेशिक अस्पताल तुलसीपुर लगिएको प्रहरी निरिक्षक थापाले बताउनु भयो । घटना बारे प्रहरीले अनुसन्धान अघि बढाएको छ ।