पहिरोमा पुरिएर बागलुङमा आठ जनाको मृत्यु,चार जना घाइते

बागलुङ– पहिरोमा पुरिएर बागलुङमा आठ जनाको मृत्यु भएको छ चार जना घाइते भएका छन ।
पहिरोले बडिगाड गाउँपालिका वडा नं. १० मा छ जना र वडा नम्बर–९ मा दुई जनाको मृत्यु भएको सहायक प्रमुख जिल्ला अधिकारी चित्राङ्गत बरालले जानकारी दिनुभयो ।

पहिरोमा परेर बडिगाड गाउँपालिका वडा नं. १० का ७ बर्षिया मालती बुढा, मधु बुढा, १३ बर्षका मनोज बुढा अमन बुढा, ५१ बर्षका मैतीदेवी विक र एकजना ६ बर्षिया बालिकाको मृत्यु भएको छ ।

त्यसैगरि बडिगाड गाउँपालिका वडा नं. ९ मा पहिरोमा परि १५ बर्षका विधान परियार र २४ बर्षका गंगा बस्नेतको मृत्यु भएको सहायक प्रजिअ बरालले जानकारी दिनुभयो । पहिरोमा पुरिएका घरबाट चार जनाको जिवीतै उद्धार गरिएको छ ।

घाईते अबस्थामा उद्धार गरिएकामध्ये दुई जनाको अबस्था समान्य र दुईजनाको अबस्था गम्भिर रहेको छ । घटनास्थलबाट विस्तृत विवरण आउने क्रम जारी रहेको छ ।।