त्रिशुलीमा ट्रक खस्दा तीन जना घाइते

धादिङ- पूर्वी नवलपरासीबाट काठमाण्डौतर्फ आउँदै गरेको ट्रक आज विहान पृथ्वी राजमार्गको जोगीमारास्थित हुग्दी खोला नजिकैबाट त्रिशुली नदीमा खसेको छ ।

चामल लिएर काठमाण्डौतर्फ आउँदै गरेको सो ट्रक त्रिशुली नदीमा खसेर दुर्घटनामा परेको हो । दुर्घटनाग्रस्त ट्रकमा सवार तीन जना घाईते भएका छन् ।

घाईतेहरुको प्रहरीले उद्दार गरी उपचारका लागी स्थानीय अस्पतालमा पठाएको छ । ट्रकमा सवार तीन जनामध्ये एक जनाको अवस्था गम्भिर रहेको जिल्ला प्रहरी कार्यालय धादिङका सुचना अधिकारी प्रल्हाद सिलवालले जानकारी दिनु भएको छ ।

ट्रक पुरै नदीमा डुबेको अवस्थामा रहेको छ । दुर्घटनाको कारण भने खुल्न सकेको छैन । लु २ ख २५० नम्वरको ट्रक दुर्घटनामा परेको हो ।

दुर्घटनामा परी १८ वर्षीय चालक आषिस महतो, सहचालक २६ वर्षीय राजु थापा मगर र साहु तनहुको खैरेनी घर भएका ४६ सुरेश गुरुङ्ग घाईते भएका छन् । उनिहरुलाई स्थानीय अस्स्पतालमा उपचार पछी थप उपचारका लागी चितवनको भरतपुरतर्फ पठाईएको छ ।