रामगोपालपुर-२ को वडाध्यक्षमा एमालेका सकिवुल खाँ बिजयी

महोत्तरी- महोत्तरी जिल्लाको रामगोपालपुर नगरपालिका वडा नं. २ को वडाध्यक्ष पदका लागि भएको उपनिर्वाचनमा नेकपा (एमाले) विजयी भएको छ । एमालेका सकिवुल खाँ ६३१ मत ल्याउँदै विजयी भएका हुनुभएको हो ।

उहाँको निकटतम प्रतिद्वन्द्वी नेकपा माओवादी केन्द्रका उम्मेदवार आइती कुमारी यादवले ५३४ मत प्राप्त गर्दा कांग्रेसका उम्मेदवार मोहम्मद जनिफ खाँले २८४ मत पाएर तेस्रो हुनुभएको छ ।

यसअघि रामगोपालपुर नगरपालिका- २ मा नेकपा माओवादी केन्द्र उम्मेदवार विजयी हुनुभएको थियो ।