६ लाख नगदसहित ६ जना जुवाडे प्रहरी नियन्त्रणमा

बुटवल- रुपन्देही प्रहरीले जुवा खेलिरहेको अवस्थामा बुटवलका ६ जना जुवाडे नियन्त्रणमा लिएको छ ।

बुटवल उपमहानगरपालिका वडा नं ११ मजुवास्थित एक होटलमा जुवा खेलिरहेका ६ जनालाई नियन्त्रणमा लिईएको जिल्ला प्रहरी कार्यालय रूपन्देहीले जनाएको छ ।

नियन्त्रणमा लिईएकाहरुको साथबाट ६ लाख रुपैयाँ समेत बरामद गरिएको छ । प्रहरीले होटल सञ्चालकसहित छ जनालाई पक्राउ परेका हुन् । नियन्त्रणमा लिइएकाहरुलाई आवश्यक कारबाहीका लागी अनुसन्धान भईरहेको प्रहरीले जनाएको छ ।-