थप १४४२ जनामा कोरोना भाइरस संक्रमण पुष्टि

काठमाडौं- नेपालमा गत २४ घण्टामा थप १ हजार ४ सय ४२ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ६ हजार ७ सय ३१ जनामा गरिएको पीसीआर परीक्षणमा ९०८ पुरुष र ५३४ जना महिलामा गरी १४४२ जनामा संक्रमण पुष्टि भएको हो ।

योसँगै नेपालमा कोरोना भाइरस संक्रमितको संख्या २ लाख १२ हजार ९१७ पुगेको छ । गत २४ घण्टामा ३५३८ जना डिस्चार्ज भएका छन् ।

हालसम्म १ लाख ८२ हजार ७८० जना संक्रमणमुक्त भएका छन् । कोरोना भाइरसबाट थप १४ जनाको मृत्यु भएको मन्त्रालयले जनाएको छ । योसँगै मृत्यु हुनेको संख्या १२५९ पुगेको छ ।-